Clarins boosters .. تجربتي مع القطرات المعززة للبشرة من كلارنس

سلااااام عليكم ..

وحشني التدوين ..

تدوينة اليوم عن منتجات صارلي حوالي سبع شهور استخدمها - بوسترز كلارنس- هي مدعمات او معززات مركزة للبشرة ومنها 3 انواع كل نوع مخصص لعلاج مشكلة معينة .. وراح أكتب عن كل نوع مين يناسب وايش يسوي و طريقة استخدامه وآخر شيء بكتب رأيي فيهم ..

أول شي ..ايش هو البوستر و ايش فرقه عن السيروم ؟
البوستر : 

• منتج علاجي مركز لازم تخلطين من 3-5 قطرات منه مع إما كريمك المرطب أو الماسك .. عشان يخفف لك من تركيزه ماينفع تحطينه على البشرة مباشرة ..

• يستخدم لفترة محدودة لعلاج مشكلة معينة في بشرتك وكل بوستر يختص في مشكلة .. وتقدرين توقفينه بعد ماتحصلين على النتيجة اللي تحبين .. 

السيروم :

• منتج عناية وقد يكون علاجي لكن لفترة معينة بحيث ممكن بعد ماتوقفين استخدامه ترجع بشرتك كما كانت قبل استخدامه 

• تستخدمينه بشكل يومي ودائم قبل كريمك المرطب ..

اللي متابعيني من زمان تعرفون كيف أحب كلارنس وأثق في منتجاتها لأنها تخضع لإشراف طبي وتناسب كل أنواع البشرة حتى الحساسة ...

والحين كلارنس نزلوا 3 أنواع بوسترات مركزة متخصصة 

الأزرق = إصلاح 

الأخضر = تطهير

البرتقالي = طاقة 

طبعاً انتي مو مضطرة تشترينهم كلهم .. اختاري اللي تحتاجه بشرتك فقط ..

سعر الواحد 185 حجمه 15 مل حتى لو كنتي تستخدمينه كل يوم بيجلس عندك اكثر من 6 شهور لأنك ماتحتاجين منه إلا كم قطرة باليوم فقط ..

تحصلونه بأي مكان فيه كلارنس (سيفورا , وجوه , دبنهامز ,,,الخ)

أول نوع بتكلم عنه الأزرق

 

Booster Repair

مُعزّز الإصلاح ..
للبشرة الضعيفة بسبب العوامل الخارجية مثل التعرَض للشمس أو تغيَر بالجو أو بالماء ..

هالبوستر يوعدك إنه يرمم بشرتك ويريحها و يخفف الإحمرار ..

بعد اسبوع من استخدامه بتلاحظين بشرتك ناعمة ومشدودة أكثر وبعد تقريباً اربع اسابيع بتلاحظين الفرق براحة بشرتك وقوتها ..و ممكن تستمرين باستخدامه إلى أن تحصلين على نتيجة افضل ..

شخصياً مااحتجت استخدمه لمدة طويلة بس جربته بالسفر لمدة أسبوع تقريباً وبان الفرق معي من  أول ليلتين تقريباً ..

طريقة استخدامه :

اخلطي من 3-5 قطرات مع كريمك المرطب .. شخصياً أفضل استخدامه قبل النوم مع كريم الليل او المرطب قبل النوم اكثر وأصحى أحصل بشرتي مرتاحة وهادية ..

.

.


Booster Energy

معزّز الطاقة ..
للبشرة اللي تعاني من ارهاق وإجهاد (سهر, ضغط عمل , حمية غذائية ...الخ)

هالبوستر يوعدك يشد البشرة وينعشها ويخفي علامات التعب ويعيد اشراقتها ..
بعد اسبوع بتشوفين بشرتك مشرقة وصافية أكثر .. لو ماحصلتي على النتيجة باسبوع استمري شهر شهرين باستخدامه حتى توصلين للنتيجة اللي تبينها ..

شخصياً هذا أكثر نوع حبيته لأنه أكثر واحد بشرتي تحتاجه وقت يكون عندي ضغط دراسة واختبارات وسهر او قل نوم وبشرة مرههقه شاحبة استخدمه فضيييع فضييع يخلي بشرتي قطنة وردية << تخيلوها ..

طريقة استخدامه :

كلهم نفس الطريقة لكن أرجع اكتبها كل مره عشان اللي ماقرت المرة الأولى تقرا المره الثانية .. تخلطين من 3-5 قطرات منه مع كريمك المرطب أو مع ماسك .. أنا أحب استخدم هالنوع الصباح مع المرطب ..
أحبه 

.

.

Booster Detox

مُعزّز التطهير.. 
للبشرة اللي تواجه تلوث قوي أو تدخين أو إفراط بالأكل أو بعد يوم طويل ومتعب ..

البوستر يوعدك ببشرة نضرة وصحية ناعمة وخالية من السموم والملوثات .. 
أنا شخصياً مااستغني عنه .. هذا أكثر نوع استخدمه وأحتاجه كثيييير هو والانيرجي .. 

غالباً مااستخدمه قبل النوم لو كان يومي متعب و فيه ملوثات كثيرة واحتاج بشرتي تكون متطهرة ونظيفة وصحية بحيث ماتتأثر بهالملوثات هذا جمييييييييل ..

طريقة استخدامه :

مثلهم كلهم من 3-5 قطرات مع كريم المرطب وأنصح فيه قبل النوم عشان تحصلين على نتيجة رائعة باليوم التالي بشرة صحية نضرة ونااعمة ..

.

أحبه 
..حاولت أعرض لكم المنتجات و أتكلم لكم عنهم بأبسط صورة وأكثر اختصار يارب تكون التدوينة حلوة وتستفيدون منها ..المنتجات جداً ممتازة للبشرة أنصح فيها بقوة ..

تجربتي مع منتجات كيلز للعناية بالبشرة

السلام عليكم و رحمة الله وبركاته 

كيفكم صديقاتي الجميلات .. اليوم مجهزه موضوع كثير طلبتوه مني و إن شاء الله يعجبكم ..الفترة الأخيرة اشتهرت عندنا بالخليج ماركة كيلز بمنتجات العناية بالبشرة بشكل خاص مميزات الماركة إن منتجاتها تعتبر طبية نوعاً ما و شاملة لكل شيء وأسعارها مناسبة ..جربت أكثر من منتج واليوم بحكي عن رأيي فيهم بكل دقة و أمانة ..

..

قبل ماأبدا بذكرلكم نوع بشرتي (مختلطة مايلة للدهنية) ..

..

..

أول منتج بتكلم عنه من مجموعتي : الغسول ..

..

غسول

 Rare earth deep pore daily cleanser 

..

الغسول مخصص للبشرات العادية إلى دهنية , من مكوناته الرئيسية الصلصال الأمازوني الأبيض المعروفة بتنظيفها العميق للبشرة من السطح للمسام تنظفها من الشوائب والدهون اللي تتراكم عالبشرة . ميزة هالغسول إنه الحبيبات الدقيقة فيه تعتبر مقشرة للبشرة وتنظف عمق المسام وتساعد مع الوقت على تقليل شكل المسام الواسع ..وبما إننا قلنا إنه في حبيبات مقشرة يعني يُستخدم مره وحدة باليوم إما صباح أو ليل .. 

أنا لاحظت بشرتي مرتاحة عليه جداً , الحلو فيه إنه ينظف البشرة تنظيف عميييق و قوي ويتحكم بالدهون لكن مايعطيك إحساس إن البرة ناشفه أو جافة بعد استخدامه !

..

سعره 103 درهم إماراتي\ ريال سعودي..

فيه منه برضو لاين كامل من غسول وتونر ومرطب و ماسك ..

..

نجي للماسك ..

..

..

ماسك (قناع) البشرة

 Rare earth deep pore cleansing masque 

..

أولاً أي بنت بشرتها دهنية بتدمن هالماسك ..

الماسك فكرته نفس فكرة الغسول ومن نفس مجموعته لكن , الماسك مره بالاسبوع أو مرتين بالكثير لو كانت بشرتك حييل دهنية ..ينظف البشرة بشكل قوي جداً من الزيوت أو أي ملوثات ممكن إنها تسد المسام , يعطيك منظر البشرة النظيفة المصقولة و مع استمرارك بإستخدامه اسبوعياً راح تلاحظين الحبوب اللي تحت الجلد تخف و المسام البارز راح يخف ..

يناسب البشرات العادية والمختلطة والدهنية ..

حجمه كبير ممتاز بالنسبة لسعره وتاريخ انتهاءه سنه ..

طريقة استخدامه :

وضع كمية على الوجه واتركيه حتى ينشف تقريباً 10 -15 دقيقة , بعد كذا زيليه بمنشفه رطبة أو اسفنجة رطبة ..

..

سعره 120 ريال سعودي ..

..

نجي بعد كذا للتونر ..

..

تونر

 Calendula herbal extract Alcohol-free toner

 ..

المنتج يتكون من مواد عشبية تساعد على تهدئة البشرة وتنظفها بلطف (خال من الكحول)أي أنه يناسب البشرات الحساسة ,وهو مخصص للبشرة العادية إلى الدهنية ..

شخصياً ماشفت منه شيء نتيجة غير إنه لطيف على بشرتي وما سبب لها تهيج مثلاً أو احمرار , تنظيفه لطيف مو قوي , خلصت علبة وشريت جديد فقط لأن بشرتي مرتاحة عليه وخال من الكحول ..

الشيء الوحيد اللي ممكن البعض ينزعج منه : الريحة ريحة الزهرة اللي موجودة ضمن مكوناته وبرضو فيه قطع منها ممكن تطلع لك مع السائل ..

..

طريقة استخدام التونر:

بعد تنظيف الوجه بالغسول حطي كمية بسيطة من التونر على قطنة و طبطبي فيها على وجهك و رقبتك (بالطبطبة مو بالمسح)..

..

سعره 152 درهم إماراتي\ ريال سعودي..

ونروح للي بعده 

..

سيروم ..

Clearly corrective dark spot solution

 ..

هالمنتج من ضمن المنتجات الأكثر مبيعاً عندهم وفعلاً يستاهل ..

هذا السيروم مخصص للبقع الداكنة على البشرة وآثار الحبوب ..

خال من السيليكون والمواد العطرية و البارابين ,أي إنه يناسب البشرة الحساسة !

..

مبدئياً أنا بشرتي كانت تعاني من آثار حبوب لونها ما بين الأحمر الغامق إلى البني . 

لاحظت خلال أول ثلاث أسابيع من إستخدام السيروم خف عندي لون الآثار بنسبة 40% , وبعد ماكملت العلبة كاملة لمدة تقريباً خمس شهور :

 بعض البقع الداكنة اختفت نهائياً والبعض الآخر خف بنسبة 70% البشرة صارت نضرة ولامعة أكثر , لونها متوحد أكثر نتيجته هذه أعتبرها نتيجة ممتااااازة جداً .

..

طريقة استخدام السيروم :

بعد التنظيف وقبل المرطب , قطرتين إلى ثلاث قطرات توزعينها على أماكن البقع الداكنة أو على وجهك كامل مع الرقبة عشان يعطيك لون متوحد أكثر ..

..

سعره 233 درهم إماراتي \ ريال سعودي .

.

المنتج التالي

 

مرطب

 Ultra facial Oil-free gel cream

 ..

هذا النوع من المرطب المخصص للبشرة الدهنية (خال من الزيوت و العطور و البارابين) . 

أكثر شيء حبيته فيه كمرطب إنه جل لكن قوامه خفيف مثل الماء تمتصه البشرة وبنفس الوقت تحافظ على ترطيب البشرة بدون مايعطي منظر البشرة الدهني أو اللامع ..

ممتاز جداً لكن عيبه الوحيد تعليبه غير عملي !!قوامه جل ممكن يكون بعصار أو له علبة مضغوطة أفضل من كذا ..

..

117 درهم إماراتي \ ريال سعودي ..

المنتج التالي

 ..

..

مرطب منطقة محيط العين

 Creamy eye treatment With avocado

 ..

أكثر منتج أشتهر عندهم وأخذ ضجة كبيرة ..

 شخصياً أقدر أقول عليه أفضل (مرطب) لمنطقة محيط العين جربته .. 

مالاحظت إنه يسوي شيء غير الترطيب , مايعالج مشاكل تجاعيد أو خطوط أو هالات لكن ترطيبه قوي وممتاز ..

 منطقة محيط العين تحتاج ترطيب مضاعف لأن المنطقة جداً رقيقة و حساسة .. 

اللي حبيته بالكريم إن قوامه شوي ثقيل بالبداية لكن بعد مايوضع على المنطقة وتبدين بتوزيعه يصير مثل الماء وتحسين كأنه يذوب ويعطيك شعور كأن فيه ماء او رطوبة بالمنطقة .. 

حبيت الشعور جداً ..استخدمه بروتيني اليومي مرتين باليوم صبح وليل ..ممكن أنصح فيه قبل المكياج لأن المنطقة تحتاج تكون مرطبه كويس عشان ينفرد الكونسيلر بشكل نظيف بدون مايكون فيه تكتل او خطوط واضحة تحت العين ..

..

سعره 134 درهم إماراتي \ ريال سعودي ..

المنتجات التالية

 ..

..

نوعين من الماسكات (الأقنعة)

أولاً:

..

قناع التنشيط والإشراق بالكركم و بذور التوت البري

 Turmeric & cranberry seed energizing radiance masque

 ..

هذا النوع من الماسك أدمنته , لما تكون بشرتي تعبانة أو ذابلة أو قبل مناسبة مهمة , لأنه ينظف ويقشر و ينشط و يضوي بشرتي بطريقة جميييييلة .. يصفي البشرة وينعم ملمسها ..

الكركم له فوائد كثيرة للبشرة من ضمنها توحيد اللون والنضارة ..ولأن فيه حبيبات بذور التوت البري بقولكم طريقة استخدامه :

تحطينه على البشره النظيفة من 5-10 دقايق بعدها حطي كمية بسيطة من الماء الدافي عشان ينعم الماسك و افركي وجهك بحركة دائرية بسيطة عشان يعطيك نتيجة التقشير البسيط .. بعد كذا اغسليه بماء ..أنصح فيه لأي نوع بشرة بتحبونه ..

..

اللي بالصورة حجم ميني 14ml , كان ضمن مجموعة نزلت عندهم , وصلوني هدية من متجر مااعرف سعرهم ..الحجم العادي 75ml .. سعره 145 ريال سعودي وبوضحه بالصورة التالية 

..

..

النوع الثاني ..

ماسك (قناع) الدفاع عن الملوثات بالكزبرة والليمون 

Cilantro & orange extract pollutant defending masque

 ..

مثل مانسمع كثير بمشروبات Detox تطهر الجسم من السموم , برضو فيه ديتوكس ماسك للبشرة يطهرها من الملوثات والسموم اللي ممكن تضر البشرة وتعجل في ظهور علامات الشيخوخة بالبشرة وتزيد من حساسيتها وهيجانها ..

حسب تجربتي الشخصية للقناع هذا لاحظت فقط انه يرطب بشرتي ويخليها ناعمة أكثر من إنه ينظفها و يحميها من الملوثات ويغذيها ..

طريقة استخدامه :

توزعين طبقة من القناع على بشرة نظيفة وتتركينه لمدة خمس دقايق ثم تمسحينه بمنشفة واتركي طبقة خفيفه منه على بشرتك ونامي فيها , وبعد ماتصحين اغسلي وجهك ..

..

..

وآخر شيء بقوله عن ماركة كيلز جداً ممتازة .. ماأعتبرها علاجية بحيث إن البشرات التعبانة جداً اللي تحتاج علاج ماراح تلاحظ فرق كبير ببشرتها مع منتجاتهم لأنها مو علاجية درجة أولى , لكن اللي بشرتها مافيها مشاكل كبيرة وحابه تعتني في بشرتها تستخدم منتجات كيلز وبتحبها كثييير لكن أهم شيء تختارين المنتج اللي يناسب بشرتك واحتياجها .

..

كيلز متوفرة في المطارات و (خليجياً) في ابوظبي ودبي ..

..

بكذا تكون أنتهت التدوينة يارب تكونون استفدتوا منها , لو عندكم أسئلة تقدرون تسألوني هنا بأي وقت ..

..

شكراُ لكم , أحبكم 

Pro sculpting by makeupforever - مجموعة النحت من ميك اب فورايفر

 السلام عليكم ورحمة الله وبركاتة 

موضوعي اليوم عن مجموعة النحت الجديدة من ميك اب فورايفر

Pro sculpting by Makeupforever

.

.

.

المجموعة عبارة عن 3 منتجات ..

1-Pro sculpting palette - كونتور باليت ..

.

.

.

الباليت فيه 4 ألوان كريمية

1- اللون الاورنج يُستخدم كبلشر أو ممكن مصحح للأماكن الداكنة (هالات وغيرها) 

2- درجة إضاءة بلمعة تحطينها على الأماكن اللي حابه تنورينها بالوجه مثل عظمة الخد و الانف و الذقن وغيره .

3- اللون الأساسي للكونتور (النحت) اللي هو اللون الغامق وكلنا نعرف كيف يستخدم الكونتور لتظليل الاماكن اللي تبغين تنحفينها أو تقللين من حجمها وكذا .

4- يعتبر كونسيلر 

طبعاً هالباليت فيه منه 4 درجات كل بشرة تختار الألوان اللي تناسبها من الفاتحة إلى الحنطية و السمراء .. الدرجة هذه رقم 40 

.

رأيي :

أكثر شيء حبيته وحفرته بالاستخدام بهالباليت اللي هو الكونتور (ر ا ئ ع ) صدق يجنن أولاً الدرجة ممتازة , القوام رهيب وخفيف لا يكتل ولا يتقطع , سهل بالدمج ومايبهذل مهما حطيتي كمية كبيرة يندمج بخفة .

والإضاءة تجنن لمعتها حلوة و ذرات اللمعه اللي فيها صغيرة مره وتندمج كويس ..

حبيت فيه إنه بعد فترة مايبين إنه المنطقة فيها دهن او مزيته .

ثباته ممتاز جداً ..

يناسب كل البشرات والدهنية لا تخاف منه .. لكن تحرص على التثبيت بالباودر ..

.

الباليت متكامل و عملي بالاستخدام من ناحية الحجم وتوافر كل هالألوان لعدة إستخدامات ..

أفضل كونتور كريمي جربته إلى الان يستاهل إنكم تشترونه .

سعره 190 ريال ..

.

.

.

2- Pro sculpting brow - قلم تحديد الحواجب

.

.

.

قلم حواجب ميزته إنه فيه ثلاث رؤوس يعني متكامل للحواجب ماراح تحتاجين أداة ثانية 

.

.

.

أول راس: هو مشط الحواجب و هذا مره مهم قبل التحديد وبعد عشان يتوزع اللون وتتعبى الفراغات زين ..

والراس الثاني : عبارة عن إضاءة أو هايلايت لتنوير تحت الحاجب .. 

اسفنجة وفيها الاضاءة مثل الباودر ..

الراس الثالث : اللي هو القلم ميزته إنه براس مشطوف وكل زاوية تسهل لك رسم شيء .. مثل الزاوية العلوية مناسبة لرسم الشعرة شعرة , الزاوية السفلية تناسب لطرف الحاجب , الجزء المسطح مثالي للتعبئة ..

.

رأيي :

تركيبته مو كريمية زيادة اللي تلزق الشعر وتلمع ولا الناشفة اللي تصعب عليك الرسم ..

التركيبة تقريباً شمعية ترسم بخفة وتعطي لون طبيعي و اذا ضغطتي عليه بيزيد تركيز اللون , وهذه هي الميزة ..

ثباته ممتاز ..

الدرجة ممتاااااازة جداً من أفضل الدرجات اللي بين البني والرمادي مو البني المحمر تناسب الشعر الغامق والأسود ..

رقمها 40 ..

سعره 120 ريال 

.

.

.

3- Pro sculpting lip - تحديد الشفايف (حمرة)

.

.

.

.

عبارة عن قلم حمرة برضو مميز لأن له طرفين مختلفة ..

.

.

.

.

الطرف الأول اللي هو الأساسي .. حمرة كريمية نوعها Satin بين القلوسي والمات ..

فيه منها عدة ألوان هذا رقم 40 ..

الطرف الثاني اسفنجة إضاءة -مثل فكرة اللي بالحواجب- 

لكن هذه لمعتها أقوى .. 

.

رأيي :

تركيبتها رطبة كأنها مرطب شفايف ..

الجمال والإبداع بالإضاءة  أحلى شيء فيها إنها تعطي إيحاء إن الشفايف مليانة و منفوخة .. 

شخصياً استخدم هالإضاءة مع أي حمرة لأن التأثير اللي تسويه على الشفايف بطل ..

يادوب نقطتين بنصف الشفايف وادمجيها ..

.

سعره 120 ريال 

.

.

وبس يارب تكونون استفدتوا من الموضوع ..

مكياج الوجه المفضل للفترة الأخيرة

بسم الله الرحمن الرحيم 

أول موضوع لي بالمدونة إن شاء الله يعجبكم وتستفيدون منه 

((مكياج الوجه المفضل للفترة الأخيرة )) بالخطوات 

لكن مو المكياج اليومي !!

فيه بعض المنتجات تكون أساسية بالنسبة لكل مكياج لكن فيه أشياء مو كذا وكل شيء ذاكرته بالتفصيل ..

أولاً بشرتي مختلطة (التي زون دهني وباقي البشرة عادية)

هذه هي المنتجات المفضلة عندي والمعتمدة الفترة الأخيرة 

نبدأ أول شيء 

..

..

..

Makeupforever

 Step1 correcting primer

أول خطوة أسويها بعد تنظيف البشرة وترطيبها إني استخدم البرايمر والبرايمر المناسب لي هو البرايمر الاخضر من ميك اب فورايفر 

ليش الأخضر ؟

 لأنه يستخدم لتصحيح اللون الأحمر بالبشرة سواءً كانت البشرة نفسها حمراء او فيها حبوب حمراء وغيره ..

أوزع كمية بسيطة منه على المناطق الحمراء ببشرتي ..

..

البرايمر كريمي خفيف يندمج بخفة مع البشرة ومايكتل اويكوَن طبقة مثل بعض البرايمرات ابداً

يصحح الاحمرار بكمية بسيطة مايحتاج استخدام كمية كثيرة منه 

..

Benefit

The pore fessional Matte rescue 

وبعده هالبرايمر العجيب 

هو برايمر يستخدم للتحكم بالدهون بالبشرة ويخلي البشرة ماات , ممكن حتى يستخدم بدون فاونديشن يعني لحاله لو ماكان ودك انك تحطين فاونديشن وماتبغين اللمعه الدهنية اللي بوجهك هذا ممتاز 

المميز فيه إن قوامه جل سايل مو دبق او ثقيل و فيه مثل الترطيب ويعطي شعور بارد عالوجه ويثبت الفاونديشن لساعات طويلة بدون لمعة و دهون .. يقلل من ظهور المسام بشكل بسيط ..

طبعاً يستخدم للبشرة الدهنية والمختلطة ..

صايرة مااستغنى عنه بأي مكياج أحطه , جد عجيييييييب ..

..

Dior

Forever perfect makeup everlasting wear pore refining effect Foundation 

اتوقع الكل يعرف هالفاونديشن من زمان لكن هذا الاصدار الجديد المطور ..

الفاونديشن قوامه شبه سايل وتغطيته متوسطة إلى عالية يعني قابلة للبناء ..

يعطي مظهر مات (مطفي) لكن مو المات الثقيل او الناشف فيه اشراقة حلوة .. 

ملمسه خفيف على البشرة ومايعطي احساس الشيء الثقيل على البشرة نهائياً ..

ثباته عااااالي جداً من أثبت الفاونديشنات اللي جربتها ومناسب للمناسبات أو الطلعات الطويلة وفيه ميزة التحكم بلمعان البشرة 

وفيه حماية من الشمس SPF 35

ويعتبر ممتاز ..

..

طريقتي باستخدامه :

أول شيء لازم بنفس الوقت اللي تحطينه فيه تدمجينه يعني ماينفع تنتظرين عليه او توزعينه على كامل وجهك وبعدين تدمجينه لأنه راح يثبت بمكانه وماراح يندمج معاك بسهولة لاااازم إنك تحطين كل جهة لحالها وتوزعينها على طول .. 

وحلو تطبطبين بعده ببيوتي بليندر عشان تتأكدين إنه أندمج زين ..

من أكثر الفاونديشنات الجميلة اللي جربتها بحياتي .. 

..

Katvond

Lock-it concealer correcter

كونسيلر قوامه كريمي وتغطيته عااالية جداً لدرجة لو كان فيه تاتو يغطيه لكن مو الدبق او الثقيل اللي يصعب دمجه 

احس فيه نسبة رطوبة ماتخليك تستصعبين توزيعه تحت العين ينفرد بسهولة ولأنه أول ماينشف يصير مات يعني لازم تدمجينه بسرعه وراح يثبت مكانه لأطول فترة ممكنه لأن ثباته جداً عالي وكمان مقاوم للماء ..

.

ممكن تستخدمينه على أي مكان ببشرتك فيها عيوب مايغطيها الفاونديشن (حبوب - كلف - نمش - تصبغات) وغيره , مع فاونديشن خفيف بدون ماتلجأين لاستخدام فاونديشن تغطيته عالية على كامل وجهك و بالأساس عيوبك قليلة ..

اللي حبيته فيه إنه مايبرز الخطوط الرفيعه تحت العين (((مايخفيها))) لكن مايبرزها ..

..

Mac 

Fix+

حبيب الكل وصديق الكل من أكثر الأشياء المهمة بأي مكياج رشتين منه قبل وبعد تشيل الزايد من الباودر لو كان فيه وتنعش البشرة وتدمج كل شيء ببعضه ..

هو شيء عكس ما الكل معتبره انه مثبت للمكياج هو ماله علاقه بثبات المكياج بس شيء لابد منه كلمسة نهائية ..

وله استخدامات كثيرة غير كذا ..

..

Urban decay 

De-slick Makeup sitting spray Oil-control 

سبراي أو بخاخ لتثبيت المكياج والتحكم بالدهون .. (للبشرة الدهنية والمختلطة)

فعلاً يثبت المكياج بدون مايسوي اثر ناشف عالوجه ومفروض إنه يخلي البشرة مات بس ماحسيته يخليها مات يضل شكل الفاونديشن المستخدم نفسه بس أبخ معه الفكس بلس عشان يعطيني انتعاش اكثر ..

لازم يرج قبل الاستخدام ..

..

وبس يارب تكونون استفدتوا من الموضوع والمنتجات الجميلة ..